الي عندها تكيس المبايض حملات او بغات تحمل تدخل عفاكم

joudy88 21 Septembre 2016

  1. joudy88

    joudy88 لا اله الا الله محمد رسول الله

    3
    1
    1
    أولا بسم الله الرحمان الرحيم.
    أنا عضوة جديدة وهادي أول مشاركة ليا.
    هذه مدة وأنا عندي مشكل في الدورة ممنتضماش مشيت عند شحال من طبيب لي كيقول مشكل هرموني لي كيقول البرد، المهم حتى تأكدت في الأخير أنه عندي مشكل التكيس بحكم شعري خفاف بزاف لي من القدام + مشكل شعر الخشن ملي كينوض، كنت كنوزن 70 كيلو ملي سمعت الوزن كيأتر نقصت ل 60 ملي تزوجت داز 4 أشهر على زواجي ومشيت لطبيب حتاش عارف المشكل لي عندي خاصو متابعة عتاني دوفاستون + حمض الفوليك لمدة 2 أشهر محملتش رجعت عتاني إيستروفيم لمدة أسبوع نساليه ندير تحليلة "هانر" باش يشوف الماء ديالي واش مزيان وحتى الحيوانات المنوية ديال راجلي واش كيوصلو لكرون أو لا، الحمد لله خرج كلشي مزيان وعتاني دوفاستون لمدة 2 أشهر قالي إلا محملتيش رجعي نعتيك ديري الراديو الكبير ديال الكرون. هاد الشهر الأخير ديال دوفاستون داومت الصلاة + الدعاء + واحد الوصفة ديال التمر والسانوج ولكن مجابش الله و البارح هبطاتلي الحمد لله على كل حال غاد نرجع غدا عندو باش ندير الراديو لي فصارحة خيفا منو بزآآآآف ولكن ربي كبييييييير ورحمتو واسعة.
    الله يخليكم شكون لي مرات أولا كتمر من هاد المرحلة تقول نبارتاجيو همناونفرحو بعضياتنا خصوصا البنات الي حملو يقولو تجربة ديالهم.
    ونستمرو في العلاج لغاية الحمل إنشاء الله.
     

Partager cette page