1. Ce site utilise des cookies. En continuant à utiliser ce site, vous acceptez l'utilisation des cookies. En savoir plus.
     

طالبة للنصح ........ حايرة بين قلبي وعقلي !!

ملكة الحب 5 Février 2014

  1. ملكة الحب

    ملكة الحب Membre

    8
    0
    1
    السلام عليكم اخواتي

    ندخل ف الموضوع، انا فأواسط هاد سنة 2013 كنت تلاقيت ب واحد السيد، ولد النآآآآآآآآآآآآآآآآآآآآآآآآآس النهار الاول عاودلي على الحياة ديالو وعلى الماضي ديالو، هو كان مزوج و تفارق مع مرتو وماولدشي معاها، وعاودلي الاسباب و حتى انه جابلي اوراق المحكمة قريتهم، تقاربنا بزآآآآآآآاف و حبينا بعضيتنا كنا نضلو نتكلمو، وكيعاودلي كولشي للي داز فنهارو و على الخدمة ديالو بديطاي و تا على الجانب المادي ولله ماكنسولو بوحدو تايجي كايعاودلي كووووووووووووووووووولشي كووووووووووووووولشي

    لموهيم اخواتاتي حنايا النهار الاول حطينا هدف هاد التعارف هو الزواج و المعقول، وتعاهدنا على الصراحة و الصراحة تقال عمرو قلل الاحترام معايا، هدرتنا ديما نقاش فمواضيع باش نتعارفو على افكار بعض ومن خلال المناقشة تنحاول نسايسو نعرف شنو نيتو معايا واش بصح ناوي يعاود يبني حياتو و لا غير هدرة وكلام , كيقولي باغي نتزوج غير خايف ,تنحس ان تجربتو السابقة مأترة عليه، وخايف يعاود يطيح فنفس النقلة، خايف من الفشل وتانحاول نساعدو و نقوليه خاصو يعتبرها تجربة كجميع تجارب الحياة و انه مشي غير طاح ف وحدة ماتسواشي فڭاع النسا هكاك، كيفما هو ولد الناس راه مزالين بنات الناس......

    الموهيم اخواتاتي;واحد الايام وليت نحسو مخنوق تنسولو مالك ماتيبغيشي يقولي، قلت خليه تايبرد راسو وغيجي يعاود كيف مولفين، ودكشي للي كاين، جا قالي الواليد ديالي مريض بزآآآف (واليديه فمدينة نائيةو هو بصح طول هاد المدة كل مرة يعيطو ليه حيت خوتو لوخرين مزوجين وكلها فمدينة وهو زعما للي ديال راسو دابا، و حتى انه الحنين فيهم وللي تايشد لباه لخاطر و ديما كايتشكى ليا من الحمل للي لاحوه عليه خوتو و كانصبرو ونفكرو برضى الواليدين ... و نقوليه ايامو فدنيا قلالو غدا ولا بعدو تقلب عليه للدوا ماتلقاهشي ...)لموهيم قاليا راه عيطو ليا تاني و خاص نمشي و انا عييت من طرقان وجلست مع خوتي وهدرنا فهدشي ولكن فحال يلا كايتهربو وشحال قدهم يجلسو سيمانة ولا جوج ولواليد خاصو مقابلة على طول و كدا وكدا, خاصني نمشي نقابلو، قتلو واليديك هادوك اولد الناس عمري نتدخل فيهم، قالي ومنقدرشي نتفلا عليك ولا نخليك معلقة و انا ماعرفشي راسي واش غنطول تماك و تماك معندي مورد رزق وصعيب نبدا من الصفر ويلاطول هادشي شحال تبقاي تسنايني ويلا هادي ويلا هاديك، قتلو انا معاك و نصبر عليك و تفائلو خيرا تجدوه لاش تفكر بتشاؤم هايدا. لموهيم شحال وحنا نهدرو ديك الليلة صافي فالتالي قالي نخليو لكل حادت حديت

    دازت يومين على هاد الهدرة كنا كنتواصلو عادي، ابخي واحد النهار غبر عليا تخلعت عليه حيت مامولفشي، كانعيط كنجبر تيليفون مطفي المرة لوخرا مكيجاوبش قلت يكما لله يستر باه مات مشيت نهبل، بالليل دخلت للنت و انا نجبرو مسحني !!

    دآآآآآآآآآآرت بيا الدنيا و بكيت حتى شبعت مافهمتش شنو السبب

    مشيت دويت مع صاحبو ( عرفني عن طريق ديالو ) عاودتلو هادشي كامل، تعجب حيت ديما تيشكرني ليه وقاليا انا ماقاليا والو صافي خليني حتى نسولو، وعيطلو ودار مافراسو والو و سولو عليا قاليه تفارقنا قالو علاش قالو لاخور، بغات تزرب عليا نجي لدارهم و انا هذشي للي كان طراليا مع اللولة (كانت اختيار الواليدين)كتحاسب معايا و كل مرة تسولني على زواج (حيت فاش قالي معندي مورد رزق قتلو فين حصتك من واحد المشروع دارو مع خوه حيت هو رآآآسو قالي هدشي ولله عمري سولتو اش عندك ولا عند واليديك) وشي هدور خرين

    مانكدبش عليكم ا خواتاتي الحڭرة ولا منعرف فقصة وحلتلي في حلقي بغيت غير نتفرڭع، قلت لصاحبو وآآآلو ضبرلي لقاء معاه نواجهو وجها لوجه

    وفعلا دار معاه صاحبو فحال يلا هو للي غيتلاقا بيه ومشيت انا بلاصتو، فاش شافني بتاسم و جا سلم عليا قالي كان عندي احساس انه هاد اللقاء وراه شيحاجة (حيت صاحبو ماتينزلشي عندو وسط السيمانة) لموهيم، جلسنا قتلو انا ماجاياشي نحاسبك ولا نقولك علاش درتي ليا هكا، انا بغيت غير نجاوبك على الهدور للي قلتي لفلان حيت صدموني بزآآآآآآآف، لموهيم خويت قلبي و عطيتهم لو مزيآآآن ، وهو برر ليا ديك الهدور انه فهمني غلط و هايدا وهايدا. وقالي انه فديك الساعة للي تناقشنا كان خرجلو تاني مشكل جديد من ديك طليقتو و جلس يحلف ليا و وراني عاوتاني اوراق، يوا وقاليا طلعلو الزعف و جاه حتى كلامي فحال يلا راني نضغط عليه يجي لدارنا، وصافي سد على كولشي.

    لحصول قتلو انا للي بغيتو وصلت ليه، وربي يخلص كل واحد على نيتو ومشيت فحالي.

    الغد ليه كايعيط ليا ماجاوبتوش سيفط ليا ميساج قاليا دخلي للنت عفاك ضروري، دخلت بقينا كانهدرو و طلب تاني سماحة وقالي مانتخلاش عليه وغير نصبر معاه وهايدا وهايدا، وسامحتو حيت كانبغيييييه ولكن واخا هايداك مارجعتش كيف اللول

    الحصول ورا هاد الموقف وليت نشك فكلامو و مشيت كنسول عليه وفينما سولت مكنلقا غير كل خير

    الموهيم بقينا هايدا شي شهرين هدرة عادية وصافي، مبقاتشي ديك الحميمية كيف الاول، مرات كيجبد موضوع الزواج تايقولي حاير عقل يقولي توكل عالله وعقل يقولي صبر. مرات تاني تايقولي مامستاعدش لا ماديا لا معنويا. كل مرة وحال

    اخر مرة هدي واحد شهر قالي عيطولي واليديا قالوليه ايغجون تجي و مشا، وفاش رجع قالي دابزت مع الدار مشاو خطبولي بلا شواري و انا قلت ليهوم معنديشي باش نتزوج عندي كريديات د الناس و هادي وهادي و زعفت عليهم وخرجت شديت طريق فنص الليل

    صافي من هاد الهدرة مبقاش تيهدر معايا، لا فتيليفون لا فالنت،و نكون اونليني مايسفطلي ما يسول فيا، و انا كذلك مبقيتش نسيفطليه دابا شهرين و حنا على هاد الحال,مؤخرا يلا بارطاجيت شي صورة ولا ادعية يدير جيم مرة مرة وصافي

    انا ولله مبقيت فاهمة شيحاجة، ولا عارفا فين نصد ,تنبقى غير نفكر فهادشي ، قلبي ماقدرش ينساه و فنفس الوقت مفهمتش هادشي ديالو، تانقول كون بغا يتفلا عليا ماغديش يعاودلي ڭاع تفاصيل حياتو الدقيقة، ولا حتى يوريني اوراق خدمتو و الطلاق و بزاف دلحوايج

    ولكن مبقيت قادرة كل مرة نسولو مالك وفنفس الوقت ماكرهتش نهدر ونفرغ قلبي ونعرف لاش قاطع لغايا يلا مبقاش باغيني لاش طلبني نسامحو و نرجعو، يقولها لي نيشان
     
    Dernière édition: 5 Février 2014
  2. SNZH

    SNZH Super Modo

    1 091
    300
    83
    nkdab 3lik akhti 9rit tn msg de a à z kayban li nssay osafi orz9Ak iji tal3andak ollah
    olhaja ila kan fiha lghomoud ollah ghir ba3di manha ma3ndakch 3lach tghamri(ohadchi ollahila 3an tajriba!!!)!! donc laisse les choses comme elles le sont osafo daba iji lida9 lbab nichan hadchi an aban li ghi kharbi9 osamhi lia
     
    ملكة الحب aime ça.
  3. foulana

    foulana Membre

    259
    104
    43
    hada malay9ch lik dawez tajriba o manjahch o ba9i khayf o nti mhtaja chi had ykoun bjanbk machi khayf nasihti nssay
     
    SNZH aime ça.
  4. MeriMomo

    MeriMomo Membre

    475
    131
    43
    khti hsan lik nsahy hada masarich ou ghaid ghir yab9A mjarjrak mazal ma3arfch chnou baghi nhar baghik nhar y9lab 3Lik ou nti ghadi tkhalsi khata2 tajribtou fachila nti naytak zwina ou bant nass ghadi yjib lik lah hsan manouu li y9Adrak
     
    SNZH aime ça.
  5. marrakech1

    marrakech1 salut

    1 010
    230
    63
    khety hta ana 9erito kaaaaaml obe9ity fiya o7assa bik 7it hta ana taçeriban kandouz man nafss tajeriba li nwassik bih howa seli salat lssetikhara ochoufi lah bach ghadi ikhaberak onty matbe9ayech thaderi m3ah 7it rajel ila 7raçety lih hdareto had iweli kaybghik. ch7al f3amerak nty ohowa? wach khedama? olah ijib li fiha lkhir
     
  6. ملكة الحب

    ملكة الحب Membre

    8
    0
    1
    شكرا اختي على النصيحة و ان شاء الله غندير بيها
     
  7. ملكة الحب

    ملكة الحب Membre

    8
    0
    1
    فعلا اختي هاد النقطة للي مخوفاني بزاف
     
  8. ملكة الحب

    ملكة الحب Membre

    8
    0
    1
    امييييين اختي شكرا على الدعيوة
     
  9. ملكة الحب

    ملكة الحب Membre

    8
    0
    1

    فاش رجعنا نهدرو كنت كانصلي الاستخارة و لاحضتو عاد مازاد تشبت بيا و يسول ، الله يدير لي فيه الخير

    السن انا 26 و هو 34
     
  10. fatima moataz

    fatima moataz Membre

    6
    1
    3
    salam okhti ana tanashak fhal okhtak had siyad mawadahch imkan khaso tabib nafsi min ahsan ba3di 3lih nti daba tatgoli tatabghir raki ghir walaftih imkan ila 3amarti waktak bichihaja fhal riyada ola chi hiwaya okhra rada tansaya ntmana lik zawj salih li yistahlak hata nti d3i m3aya hata ana rabi isahal 3liya fi zawj salih
     
  11. katlina

    katlina Membre

    25
    17
    3
    wach na9dar ngol mochakilti
     
  12. oum alaeddine

    oum alaeddine Membre

    3
    1
    3
    salam kheti nasi7ti lik nsay 3lik had siyed kon kan 3andak fih lkhir kon rbi ysarlak omorkom 3asa an takraho chay2an wa howa khayron lakom wa 3asa an tohibo chay2an wa howa charon lakom
     
    katlina aime ça.
  13. hanane malek

    hanane malek Membre

    25
    7
    3
    khti saraha ana kaiban lia ghir nsayh hite koun barik koun chad fik b ido o snano machi kol mera kairbar 3lik blama ygol walo chofi chi wald nas li yastahlak
     
    SNZH aime ça.
  14. katlina

    katlina Membre

    25
    17
    3
    3andak sah akhti hanane :)(y)
     
    hanane malek aime ça.
  15. ملكة الحب

    ملكة الحب Membre

    8
    0
    1
    شكرا اخواتي على النصيحة
     
  16. loujin mohamed

    loujin mohamed Membre

    380
    112
    43
    khati ana 9arit had chi kamal li 9olti o fakartini fi rasi 7ta ana tra lya b7alak lfar9 li bini o binak hada kan mazawaj o ana kan khatab o dar lya b7alak walah l3adim o b9a fya l7al cha7al o ma9aditch nansa mais rabi kabir o 7it kont ghada m3ah binyati ba3adni manou lah wakha kan bgha yarja3 lya mais safi 9arart nasah o nahydou man bali hit lwa7ad li tayghabar o matygolch malou wala 7ta 3lach bagha yaba3ad o mli yabghi o yagol lih rasou raja3 3ad yabda ytasal o yatlab sam7a lwa7da ma3ndha madir bi wa7ad marid haka hit 7ana machi kora kayla3bou bina wa9t li baghawo daba rani mazawaja o 3aycha bikhir m3a rajli la7mdo lilah o nasit kolchi kantmana lik akhti chi wald nas li yadirak fi 3aynih machi ykon khayf manakl lah yasawab lik o yab3ad manak walad la7ram
     
  17. zahrat moradi

    zahrat moradi Membre

    229
    64
    28
    Bghit nhdr m3ak men ahsan ila 3andek face awla xi wasila akheraaa 3andi man9olak
     
  18. loubnita

    loubnita Membre

    1 053
    250
    83
    f sara7a had linssane maystahlekch, ihder we9te mabgha w ilou7ek mli ibghi, sem7i lia 3la le terme mais ana bghitek tfi9i, ila 9elbek t3ele9 bih ghir saysih 7ta insah w telbi rbi ijib lik wel nas listahlek.
    ama anou iwrik lwra9 w i3awed lik, malou ach 5asser 7ta nti moumkine t3awdi li bghiti likane w makaynch li ghadiçeleb wrak, 3tabrihi tajriba w dazetz bach mat3awedch w li bghak bsa7 iji ldarkoum a part ça c du bla bla bla
     
    zahrat moradi aime ça.
  19. ملكة الحب

    ملكة الحب Membre

    8
    0
    1

    الله يسعدك مع راجلك اختي
    و انا هذا واخا كون رجع حاليا منقبلووش حيت واخا كانبغيه كرامتي فووووق من قلبي
    ولكن فنفس الوقت بغيت نفرغ قلبي باش نسد هاد الباب فمرة و لكن بانلي نسدو و ندفن كلشي معاه ونتهنى
    شكرا على النصحيحة اختي
     
  20. ملكة الحب

    ملكة الحب Membre

    8
    0
    1
    وا الله يخلص كل واحد على قد نيتو اختي هذا منقول
     
  21. loujin mohamed

    loujin mohamed Membre

    380
    112
    43
    Ou
    Oui akhti sadih o nsay o 33ichi hyatak hit mattystahlch tb9y tfakri fih wakha s3ib mais ach ghada diri lah yswab lik akhti
     
  22. sweetcat

    sweetcat Membre

    14
    0
    1
     
  23. sweetcat

    sweetcat Membre

    14
    0
    1
    3mrk tfr7i lchi 7ed tzwj o tlak koun fih lkhir koun baki mzwj
     

Partager cette page