1. Ce site utilise des cookies. En continuant à utiliser ce site, vous acceptez l'utilisation des cookies. En savoir plus.
     

طعام الطفل الرضيع

romayssaa 8 Octobre 2011

  1. romayssaa

    romayssaa Membre

    190
    55
    28
    طعام الطفل الرضيع


    [​IMG]



    امتى ابدا اكل طفلى؟
    اقولك ان لبن الام فيه كل المكونات الغذائيه اللى بيحتاجها طفلك اول 6 شهور

    بشرط انه يكون بكميه كافيه و طفلك بيزيد زياده مناسبه لو مش كده يبقى نبدا عند 4 شهور لكن مش قبل كده
    طب ليه مش قبل كده ؟
    عشان انتى كده بتبقى بتقلى فرصه طفلك من الاستفاده من اللبن الى هو اهم شىء بالنسباله فى الوقت ده
    و كمان لما بتدخلى اكل بدرى بيقل لبنك بدرى
    انتى كده كمان بتقلى فرصه طفلك من الاستفاده من الاجسام المناعيه فى اللبن
    و كمان انتى بتعرضى طفلك للاسهال و حساسيه الاكل لان امعاءه لسه منضجتش






    طيب ليه بندخل اكل مع اللبن بعد 4 او 6 شهور؟
    1: لان الطفل مش هيقدر ياخد اكتر من لتر لبن فى اليوم اوكى
    طيب ما هو وزنه بيزيد و احتياجه للطاقه بيزيد معاه هنا يجى بقى دور الاكل
    2: لان الطفل كل ميكبر احتياجه للمعادن و الفيتامينات بيكبر و دا مش بيحققه اللبن وحده
    3:عشان نعلم الطفل مهاره المضغ و البلع و استخدام المعلقه
    4:عشان نعود جهازة الهضمى انه يهضم الاكل الصلب


    طيب ابدا ازاى؟

    بصى دى بعض النصايح اللى هتساعدك

    فى الاول هتبداى تدى وجبه واحده بس فى اليوم
    لو اكلتى الطفل بالملعقه و لقيتيه بيحاول رفضها و بيخرجها من بقه دا مش معناه انه مش حاب الاكل
    هو بس مش متعود ع المعلقه حاولى معاه تانى و تالت

    تدخلى نوع واحد لمده 3 ايام عشان تعرفى لو فى حساسيه

    ابداى الاول بهدوء و بكميات قليله و بعدين زودى الكميه بالتدريج
    و بعد كده دخلى نوع تانى


    طيب ايه هيا اعراض الحساسيه من الاكل؟
    الاسهال و الطفح الجلدى و التهاب منطقه الحفاض لو حصل اى حاجه من الاعراض دى و قفى الاكل فورا
    اوعى تجبرى طفلك على اكل معين


    ابداى الاول بالخضار و الحاجات اللى مش مسكرة و بعد كده دخلى الفاكهه عشان طفلك يتقبل الخضار
    لو طفلك رفض نوع معين من الاكل حاولى معاه مرة واتنين لحد 10 مرات قبل متحكمى عليه انه مش بيحب الاكل ده




    [​IMG]


    نيجى بقى للسؤال المهم




    ايه نوعيه الاكل اللى بدخلها؟


    لو هنبدا من 4 شهور:
    خضار مهروس: بطاطس –جزر –بطاطا-كوسه يسلق الخضار ثم يهرس جيدا
    فاكهه: تفاح – كمثرى – موز- جوافه
    عصاير: برتقال مخف – تفاح –جوافه
    سيريلاك ارز
    بعد 6 شهور:
    سيريلاك قمح
    هنزود كبد الطيور و صفار البيض و الجبنه المثلثات زبادى لايت
    و هنزود عدد الوجبات ل 3 وجبات
    بعد 7 شهور:
    ممكن تبداى تدخلى صدور الفراخ
    بشرط الطهى الجيد و تفرم جدا

    بعد 8 شهور
    نزود الاسماك و اللحم المفروم



    [​IMG]


    طيب ايه الممنوعات قبل سنه؟
    الحليب البقرى: بيسبب حساسيه
    العسل ممكن يكون فيه بكتيريا لا يتحملها الطفل
    بياض البيض: يسبب الحساسيه
    الملح الزياده فى الاكل : عشان بيسبب زياده ضغط الدم فى المستقبل
    وطبعا البهارات و مكسبات الطعم واللون

    بعد سنه من العمر تقدرى تدى لطفلك الاكل العادى اللى انتى بتاكلى منه



    طيب عايزة افكار للوجبات؟


    شوربىه الخضار :
    قطعى البطاطس و الجزر و الكوسه و حطى عليهم ميه و ذرة ملح صغيرة جدا
    و اضربيهم فى الخلاط مع الميه بتاعتهم و اديهوله بالبرونه
    او من غير الميه و اديهوله بالمعلقه
    الفواكه:
    قشرى تفاح و انزعى منه البذور و اسلقيه
    و نفس الكلام لو عايزاه عصير يبقى تضربيه بالميه بتاعته و لو جامد يبقى من غير الميه تهرسيه
    ممكن تعملى معه كمثرى او موزة
    صفار البيض:
    اخلطيه مع الجبنه المثلثات
    او مع بطاطس مسلوقه و مهروسه
    كبده الفراخ:
    ممكن تخلطيها مع الخضار
    او مع شويه رز مهروسين كويس
    او مع لسان العصفور و شوربه



    [​IMG]

    بانسبه للبيى فى الاول مش بياكل كتير انا كنت بعمل طريقه حلوة نفعتنى
    كنت بسلق كميات من الخضار و الفاكهه و اهرسها و احطهم فى مكعبات التلج دى


    و بكده ممكن تقعد معاكى لمده شهر
    و كل مرة تطلعى مكعب او اتنين على قد مانتى عايزة



    و اخيرا احب انصحك انك تبقى ذكيه و تحاولى تتحايلى على طفلك
    يعنى مثلا محبش البطاطس لو حدها
    دخليهاله مع حاجه تانيه بيحبها

    و متياسيش حاولى اكتر من مرة
    و اياكى تغصبيه ع الاكل

    سيبيه هو يحدد المعاد اللى ياكل فيه و الكميه
    قدميله الاكل فى اطباق ملونه و جذابه



    [​IMG]
     
  2. om aymane

    om aymane Membre

    62
    14
    0
    chokeran bazaf 3ala nasiha
     
  3. nadia om farah

    nadia om farah Membre

    3
    0
    0
    tbarklah 3lik akhti wallahi ila stafedt menek bezzzzzzzzzaf merci
     
  4. omjannat

    omjannat Membre

    23
    0
    0
    Hadi ma3loulate mohimma bzzaf.............
     
  5. romayssaa

    romayssaa Membre

    190
    55
    28
    merciiiiiiiiiii
     

Partager cette page